У перыяд развіцця маўлення ў дзяцей даволі часта сустракаюцца розныя праблемы. Многія дзеці не могуць паспяхова справіцца з вымаўленнем новых гукаў, таму трэба загадзя паклапаціцца аб правільным фарміраванні маўлення Вашага дзіцяці. Прадухіліць і выправіць праблемы маўлення дапаможа лагапед.
Для найбольш хуткай і паспяховай карэкцыі маўлення бацькі павінны выконваць некаторыя ўмовы:
- Кожны дзень неаднаразова выконваць дамашнія лагапедычныя заданні.
- Дамашнія заданні неабходна выконваць перад люстэркам. Без яго дзіця не можа бачыць, што яно робіць, не можа правільна паставіць язык, вусны.
- Звяртайцеся да лагапеда, каб убачыць, як правільна выконваць практыкаванні.
- Выконваць фанетычны рэжым – калі гук замацоўваецца ў словах, то дзіця ўжо трэба папраўляць, калі яно не правільна вымаўляе гук. Вядома, рабіць гэта трэба тактоўна, без крыкаў – станаўленне гуку ў маўленні займае некалькі месяцаў.
- Цікаўцеся жыццём свайго дзіцяці: пасля садка абавязкова пытайцеся, як прайшоў дзень, чым дзеці сёння займаліся, што спадабалася Вашаму дзіцяці. Не садзіце дзіця за кампутар, тэлевізар – карысць ад гэтага сумнеўная, а вось шкоды вельмі шмат.
- Чытайце кнігі з дзіцем – гэта развівае ўяўленне, фарміруе слоўнік. Пасля таго, як прачыталі, абавязкова трэба правесці гутарку пра прачытанае: пра што (пра каго) было апавяданне, што ён рабіў, чаму ён так зрабіў, добра гэта ці дрэнна і г.д.
Без захавання гэтых умоў карэкцыя маўлення будзе адбывацца даўжэй, бо лагапед будзе дзейнічаць у адзіночку.